Skúlasøgan

Stutt um Kollafjarðar skúla

Í skúlanum ganga uml 130 næmingar.

Skúlin fevnir um næmingar frá 1. til og við 9. flokk, og er býttur í tríggjar deildir - grunddeild, miðdeild og hádeild.

Í skúlanum starvast 15 lærarar.

Skrivstova skúlans hevur skrivara, sum er á skrivstovuni mána-, miku- og hósdag frá kl. 8.00 til 15.00.

Á skúlanum starvast eisini heilsufrøðingur og tannlæknaatstøðingur. Tær eru á skúlanum týsdag.

Umframt vanlig flokshøli og øll vanlig fakhøli hoyrir fimleika- og svimjihøll til skúlan, umframt at skúlin hevur beinleiðs atgongd til ítróttarhøllina.

Uttanum skúlan er góður skúlagarður við vallum og nógvum ymsum leikum, umframt at skúlin liggur í náttúruvøkrum umhvørvi.

Skúlin er bygdur í trimum stigum:

Elsti parturin í 1970, t.e. har, ið fimleikahøllin, skrivstovan er og teir yngstu næmingarnir halda til Annar parturin í 1984, t.e. har í bókasavn, miðhøll, ymisk fakhøli og næmingarnir í miðdeild halda til Yngsti parturin í 2005, t.e. har elstu næmingarnir og nøkur fakhøli eru.