Í handaverk & list tímunum í dag høvdu vit í 2. vitjan av Kyle og Jóan Mikal, sum ganga í 5. flokki.
Teir báðir duga væl at gera ymiskar pappírsflúgvarar. Teir høvdu valt trý sløg, sum teir skuldu læra okkum. Í 2. flokki ganga 18 næmingar.
Teir báðir dugdu ordiliga væl at læra frá sær og høvdu gott tol. Tá vit øll høvdu gjørt tríggar ymiskar flúgvarar, fóru vit oman í lítlu høll at flúgva við teimum. Vit gjørdu eina kapping um, hvør kláraði at flúgva í ein hulahoppiring og fáa stig. Tað var so stuttligt og flott av teimum, takk fyri Kyle og Jóan Mikal.